Çin və Cənubi Afrika Rusiya-Ukrayna münaqişəsinin sülh danışıqları yolu ilə həllini müdafiə ediblər. 

Lider-media.az xəbər verir ki, bu barədə Çin Xalq Respublikasının Sədri Si Cinpin və Cənubi Afrika Respublikasının Prezidenti Matamela Siril Ramafoza arasında Pekində keçirilən danışıqların yekunları üzrə iki ölkənin birgə bəyanatında deyilir.

“Hər iki tərəf inklüziv dialoq və sülh danışıqlarının böhranın davamlı həllinin tapılmasının yeganə mümkün siyasi yolu olduğu barədə razılığa gəliblər” deyə sənəddə qeyd edilib. 
Bundan əlavə, Si Cinpin və Siril Ramafoza münaqişə tərəflərini döyüş meydanının genişlənməsinə, hərbi əməliyyatların artmasına imkan verməməyə çağırıb.