“Salyanda yaşlısından tutmuş ən gənc seçiciyə qədər hər kəs səsvermədə fəal iştirak edir. İnsanlar öz deputatlarını seçmək üçün səhər saatlarından məntəqələrə üz tutublar”.

Bu sözləri 59 saylı Salyan seçki dairəsinin 32 saylı seçki məntəqəsinin sədri Kamran Zeynalov Lider-media.az-a danışarkən deyib.

K.Zeynalovun sözlərinə görə, məntəqələrə yaxınlaşa bilməyən şəxslərin səsvermə haqqını təmin etmək üçün vətəndaşların evlərinə gedilib. Proses öz axarında davam edir.