Texas məhkəməsi Bayden administrasiyasının ABŞ vətəndaşları ilə evli olan immiqrantlara hüquqi status verilməsi proqramını dayandırmaq qərarına gəlib. 

Lider-media.az xəbər verir ki, bu barədə “Associated Press” bölgə hakiminin qərarına istinadən məlumat yayıb.

Fərman nəticəsində təxminən 500 minə yaxın qeyri-qanuni miqrantın, eləcə də onların 50 minə yaxın övladının qanuni status ala bildiyi açıqlanıb. 
Texas rəsmiləri hesab edirlər ki, ştatda yaşayan çoxlu sayda qeyri-qanuni immiqrantlara görə hər il 10 milyonlarla dollar xərcləməli olurlar. Bunun fonunda, sənəddə hakim ştatların proqrama qarşı arqumentləri əsaslı adlandırılıb və onların daha diqqətli nəzərdən keçirilməsi tələb edilib.
Qeyd edək ki, iyunun 18-də Bayden Amerika vətəndaşları ilə nikahda olan və uzunmüddətdir ki, Birləşmiş Ştatlarda olan mühacirlərin hüquqi status alması prosesində dəyişikliklər etmişdi və daha da asanlaşdırmışdı. Texas məhkəməsi müvafiq fəramanı verməklə, prezidentin qərarına qarşı çıxıb.