Bu il azad olunmuş ərazilərdə 36 nəfər mina hadisəsinin qurbanı olub.

Lider-media.az xəbər verir ki, bununla bağlı “Minalar Əleyhinə Azərbaycan Kampaniyası" İctimai Birliyinin rəhbəri Hafiz Səfixanov Azərbaycana minatəmizləmədə beynəlxalq dəstəyin gücləndirilməsi layihəsinin yekunlarına həsr edilmiş mətbuat konfransında məlumat verib.

O qeyd edib ki, ANAMA-nın rəsmi məlumatına əsasən, hadisələr 2024-cü il yanvarın 1-dən avqustun 15-nə qədər baş verənlərdir:
"Bu müddətdə baş verən 23 hadisədə 4 nəfər həlak olub, 32 yaralanıb".