ADA Universitetinin Hüquq fakültəsi Nyu-York Universiteti, Paris-Şərq Universiteti, Svanse Universitetinin Hüquq Fakültələri ilə ikili mübadilə proqramları üzrə əməkdaşlıq edir.

AZƏRTAC xəbər verir ki, bu sözləri ADA Universitetində təşkil edilən konfransda Hüquq fakültəsinin dekanı Rəşad İbadov deyib.

Onun sözlərinə görə, ADA Universiteti hazırda Ali Məhkəmə, Konstitusiya Məhkəməsi və digər regional məhkəmələrlə sıx əməkdaşlıq edir.

“Tədbirin təşkil edilməsi Azərbaycanda Arbitraj hüququnun inkişafı istiqamətində böyük addımdır. İştirakçılar beynəlxalq arbitraj barədə aparıcı ekspertlərdən dəyərli fikirlər əldə edəcək və bu sahə üzrə fundamental anlayışlar və perspektivlər barədə müzakirələrdə iştirak edəcəklər”, - deyə fakültə dekanı vurğulayıb.