Türkiyə-Azərbaycan Universiteti (TAU) ilə bağlı Azərbaycan Texniki Universitetində (AzTU) “Açıq qapı” günü keçirilir. Abituriyentlər “Açıq qapı” günündə iştirak etməklə TAU ilə əlaqədar onları maraqlandıran bütün suallara cavab tapa bilərlər.

AzTU-dan bildirilib ki, “Açıq qapı” hər gün (şənbə və bazar daxil) saat 09:00-dan 18:00-dək davam edir. Ünvan: AzTU, Hüseyn Cavid prospekti, 25

Xatırladaq ki, Türkiyə-Azərbaycan Universiteti tələbə qəbulu elan edib. Abituriyentlər avqustun 9-dan 19-dək ixtisas seçimində iştirak etməklə TAU-nun kompüter mühəndisliyi, sənaye mühəndisliyi, qida mühəndisliyi ixtisaslarını seçə bilərlər.

TAU-da tədris prosesinə Türkiyədən Orta Doğu Texniki Universiteti, İstanbul Texniki Universiteti və Haccettepe Universiteti, Azərbaycandan isə Azərbaycan Texniki Universiteti (AzTU) tərəfdaş kimi cəlb olunub.