2023-cü ildə Azərbaycana ağac emalı məhsullarının ixracının artım tempi 2022-ci illə müqayisədə 120% təşkil edib.

Lider-Media.az "BELTA"-ya istinadla xəbər verir ki, bunu Bellesbumprom konserninin sədr müavini Gennadi Dikovitski Belarus-Azərbaycan hökumətlərarası ticarət-iqtisadi əməkdaşlıq komissiyasının 14-cü iclasında deyib.

Qeyd edildiyi kimi, Azərbaycan ağac emalı sənayesi müəssisələri üçün daimi və mühüm ticarət-iqtisadi tərəfdaşlardan biridir. Orada ixrac olunan malların çeşidinə taxta məmulatları, faner, qapı, taxta pəncərələr, mebel, taxta-şalban, kağız, karton və onlardan hazırlanmış məmulatlar daxildir.