Şəriətdə süni intellekt məsələsinə xüsusi önəm vermək vacibdir. Bu sözləri Qafqaz Müsəlmanları İdarəsinin (QMİ) sədri şeyxülislam Allahşükür Paşazadə Bakıda keçirilən Türk Dövlətləri Təşkilatının Müsəlman dini liderlərinin 7-ci Görüşündə deyib. O qeyd edib ki, süni intellektin müzakirəsi üçün müftilərin xüsusi görüşü keçirilməlidir: "Dindarlar bu mövzuda bizim fikirlərimizi gözləyirlər".

Qazaxıstanın din xadimi, Qazaxıstan Müsəlmanlarının Ruhani İdarəsinin sədri Naurızbay Tağanulı isə vurğulayıb ki, süni intellektdən əldə edilən məlumatlardan düzgün istifadə etmək və gənclərə doğru istiqamət vermək vacibdir: "Biz də gənclərimizə, cəmiyyətimizə dəqiq məlumatları çatdıraraq onlara doğru yolu göstərə bilərik".