Avqustun 4-də Türkiyədən olan bir qrup media nümayəndəsi Qarabağa səfər çərçivəsində Xankəndi şəhərində olub.

Lider-media.az Hit.az-a istinadən xəbər verir ki, qonaqlar şəhərdə həyata keçirilən genişmiqyaslı bərpa və yenidənqurma işləri, eləcə də inşa olunan yaşayış və sosial infrastruktur obyektləri ilə yaxından tanış olublar.

Səfər Türkiyə–Azərbaycan Dostluq, Əməkdaşlıq və Həmrəylik Vəqfi (TADİV) ilə Mədəniyyətlərarası Şəbəkə Dərnəyinin birgə təşkilatçılığı əsasında həyata keçirilir.

Proqramın məqsədi Türkiyənin media nümayəndələrini işğaldan azad edilmiş ərazilərdə aparılan bərpa və quruculuq işləri, "Böyük Qayıdış" Dövlət Proqramı çərçivəsində görülən tədbirlər, həmçinin bölgədə formalaşan yeni reallıqlarla yerində tanış etməkdir.