Böyük Qayıdış proqramı çərçivəsində Ekologiya və Təbii Sərvətlər Nazirliyinin regional idarəsinin əməkdaşları tərəfindən tibbi tullantıların idarə edilməsi ilə bağlı növbəti maarifləndirici görüş Laçın Rayon Mərkəzi Xəstəxanasında təşkil olunub.
“Tibbi tullantıların təhlükəsiz idarə edilməsi” mövzusunda keçirilən görüşdə iştirakçılara tibbi tullantıların çeşidlənməsi, müvəqqəti saxlanılması, daşınması və zərərsizləşdirilməsi qaydaları barədə ətraflı məlumat verilib, tibbi tullantıların düzgün idarə olunmamasının insan sağlamlığı və ətraf mühit üçün yarada biləcəyi risklər, eləcə də bu sahədə mövcud normativ tələblər və təhlükəsizlik qaydaları izah edilib.