İyunun 12-də Bakıda “Barışın Türküsü: Turandan Gələn Səda” adlı konsert proqramı təqdim olunub.

Lider-media.az xəbər verir ki, tədbir Yunus Əmrə İnstitutu, Azərbaycan Milli Konservatoriyası və Beynəlxalq Muğam Mərkəzinin birgə təşkilatçılığı ilə baş tutub.

Beynəlxalq Muğam Mərkəzində keçirilən konsertdə Azərbaycan Milli Konservatoriyasının Tələbə Elmi Cəmiyyətinin “Ün” ansamblının müşayiəti ilə  IX Muğam Televiziya Müsabiqəsinin qalibi Nərmin Mirzəyeva, eləcə də gənc ifaçılar Rauf Cəfərov, Yusif Qocayev və Azər Çələbyaninin ifasında Azərbaycan və Türkiyə bəstəkarlarının əsərləri, eləcə də xalq mahnıları səsləndirilib.

Səadət