Məlum olduğu kimi, Bakıda ilk dəfə Caz və Şərab Festivalı keçirildi. Aprelin 24-ü başlayan festivalın mayın 3-nə qədər davam etməsi nəzərdə tutulsa da, çoxsaylı istəklər nəzərə alınaraq bu tarix mayın 6-na qədər uzadıldı. 13 gün davam edən festivalda canlı konsertlər, gənc kollektivlərin çıxışları, həmçinin yerli məhsulların təqdimatı, dequstasiyalar və master-klasslar keçirildi.Əsas məqsədi Azərbaycanın özünəməxsus caz ənənələrinin yaşadılması, gənc istedadlara dəstək verilməsi, caz musiqisini daha geniş auditoriyaya çatdırmaq olan festival proqramları paytaxt sakinləri və şəhərin qonaqları tərəfindən böyük maraqla qarşılandı.