Ekologiya və Təbii Sərvətlər Nazirliyində əməkdaşların rəqəmsal bilik və bacarıqlarının inkişaf etdirilməsi məqsədilə süni intellekt mövzusuna həsr olunmuş təlim keçirilib. Tədbir dövlət idarəçiliyində innovativ yanaşmaların tətbiqi, eləcə də müasir texnologiyalardan səmərəli istifadə bacarıqlarının artırılmasına yönəlib.
ASAN İnnovativ İnkişaf Mərkəzinin təlimçisi Nofəl Əliyev tərəfindən keçirilən sessiyada iştirakçılara süni intellekt texnologiyalarının iş prinsipləri, dövlət sektorunda tətbiq imkanları, həmçinin gündəlik iş proseslərində məhsuldarlığın və operativliyin artırılmasında rolu barədə geniş və əhatəli məlumat təqdim olunub.
Görüş çərçivəsində iştirakçıların sualları cavablandırılıb, aktual mövzular ətrafında fikir mübadiləsi aparılıb.