İtaliyanın Milan və Kortina d'Ampetso şəhərlərində keçiriləcək 2026 XXV Qış Olimpiya Oyunlarının keçiriləcəyi məkanın yaxınlığında tikinti sahəsinin mühafizəçisi ölüb.

Lider-media.az xarici mediaya istinadla xəbər verir ki, Kortina d'Ampetsonun buz arenasına bitişik ərazidə baş verən 55 yaşlı işçinin ölümü rəsmi dairələri narahat edib. İtaliyanın İnfrastruktur naziri Matteo Salvinini vəziyyətin tam araşdırılmasını tələb edib.

Müəyyən edilib ki, işçinin ölümünə havanın həddindən artıq soyuq, yəni 12 dərəcə şaxta olması səbəb olub.  

 Qeyd edək ki, XXV Qış Olimpiya Oyunları fevralın 6-dan 22-dək davam edəcək.

Xatırladaq ki, İtaliya 1956-cı və 2006-cı illərdə Qış Olimpiya Oyunlarına ev sahibliyi edib.