Türkiyənin Azərbaycandakı Səfirliyi son dövrlərdə Türkiyədə Azərbaycanla bağlı yayılan "saxta xəbərlər" iddialarına dair açıqlama yayıb.

Lider-media.az xəbər verir ki, Səfirliyin Mətbuat müşaviri Dr. Alptekin Cihangir İşbilir Gəncliyə Yardım Fondunda keçirilən görüşdə çıxışı zamanı bildirib ki, Türkiyə–Azərbaycan Media Platformasının gücləndirilməsi və bu proseslərdə daha fəal rol alması üçün işlər aparılır.

“Türkiyə–Azərbaycan münasibətlərini pozmaq istəyən daxili və xarici qüvvələrə qarşı mübarizə aparacağıq. Bu qüvvələrə qarşı qarşılıqlı məsləhətləşmələr aparılmalıdır. Daha da bir-birimizə sıx bağlanmalıyıq. Arada boşluq buraxmamalıyıq ki, fitnəyə yol açılmasın. Münasibətləri zədələmək istəyənlərin oyunlarına aldananlar da var. Lakin buna qarşı daha sıx birləşməliyik,” – deyə o bildirib.

Qeyd edək ki, son aylarda Türkiyə mediasında Azərbaycanla bağlı yayılan saxta və təhrif olunmuş xəbərlərin sayında artım müşahidə olunur.

Səadət