Tanınmış Türkiyə aktyorları Bakıya gəlir.

Lider-media.azın məlumatına görə,  Türkiyənin məşhur Yeşilçam aktrisası Hülya Koçyiğit və müasir dövrün tanınmış aktyorları Berk Oktay, Anıl Altan və Duyğu Sönmez  sentyabrın 26-da Azərbaycana səfərə gələcəklər. 

Bakı Yunus Emre İnstitutunda sabah aktyorlarla görüş keçiriləcək. Görüş iştirakçıları Türk kino sənətinin bu məşhur simaları ilə tanış olmaq, onların həyat və karyerası haqqında maraqlı hekayələr dinləmək imkanı əldə edəcəklər.  

Qeyd edək ki,  Türkiyə-Azərbaycan Türk Film Günləri çərçivəsində təşkil olunan tədbirin məqsədi Türkiyə-Azərbaycan əlaqələrinin möhkəmlənməsinə və iki ölkə arasındakı mədəni mübadilənin artmasına töhfə verməkdir.