"Xalq Bank" XalqOnline mobil və internet bankçılıq sistemində investisiya xidmətini müştərilər üçün əlçatan edib. "XalqOnline" istifadəçiləri olan fiziki və hüquqi şəxslər mobil tətbiq vasitəsilə investisiya imkanlarından yararlanmaqla maliyyə bazarlarına rahat və sərfəli çıxış əldə edəcəklər. 

Xidmətdən yararlanmaqla müştərilər investisiya hesabı açaraq Bakı Fond Birjası tərəfindən daxili bazar üçün təqdim olunan qiymətli kağızların alqı-satqısını həyata keçirə və invesitiya portfellərini mobil tətbiq üzərindən rahatlıqla idarə edə bilərlər. Çevik idarəetmə paneli ilə istifadəçi ilkin və təkrar bazarda satılan qiymətli kağızlar və məlumatları ilə tanış olub alışı icra edə bilir. Eyni zamanda istifadəçi müvafiq bölmədə öz mövcud qiymətli kağız portfelini izləyərək istədiyi qiymətli kağızları satmaq üçün əməliyyatı reallaşdıra bilər. 

"XalqOnline" vasitəsilə investisiya xidməti ilə aşağıdakı üstünlükləri təqdim edir:

Rəqəmsal və asan qeydiyyat prosesi -  istifadəçilər XalqOnline tətbiqinə daxil olmaqla rahatlıqla qeydiyyatdan keçə və investisiya hesabı aça bilərlər.

Real vaxt rejimi – istifadəçilər bazardakı qiymət təkliflərini real vaxtda izləyərək əməliyyatları dərhal icra edə bilərlər.

Etibarlı və təhlükəsiz əməliyyat mühiti - "XalqOnline" tətbiqində ən yüksək təhlükəsizlik tədbirləri təmin edilir və müştərilərin maliyyə məlumatları və əməliyyatları tam şəkildə qorunur.

Tam inteqrasiya olunmuş investisiya platforması - bütün əməliyyatlar bir platforma üzərindən idarə olunur. Bu, istifadəçilərə investisiya, alqı-satqı və portfel idarəetməsini asanlıqla reallaşdırmağa imkan verir.

Müasir və funksional "XalqOnline" mobil tətbiqi hər kəs üçün əlçatandır — tətbiqi  “App Store”, və ya “Google Play” platformalarından yükləmək mümkündür.

Xatırladaq ki, "Xalq Bank" Azərbaycan Respublikasının Mərkəzi Bankının 7 may 2025-ci il tarixli İXB-01 saylı Lisenziyasına əsasən, ölkədə investisiya xidmətlərinin həyata keçirilməsinə icazə verilən ilk bankdır.

"Xalq Bank"ın məhsul və xidmətləri barədə məlumatları Bankın filial şəbəkəsindən, https://www.xalqbank.az/  rəsmi internet səhifəsindən, 138 Çağrı mərkəzindən, həmçinin müxtəlif sosial şəbəkə səhifələrindən əldə etmək olar.