İqtisadiyyat Nazirliyində Uqandanın xarici işlər üzrə dövlət naziri ilə keçirilən görüşdə qarşılıqlı ticari-iqtisadi əlaqələrin inkişafı müzakirə edilib. İqtisadiyyat nazirinin birinci müavini Elnur Əliyev Uqandanın xarici işlər üzrə dövlət naziri Con Mulimba ilə görüşüb.

Görüşdə hər iki ölkənin qarşılıqlı ticari-iqtisadi əməkdaşlığın inkişafında maraqlı olduğu vurğulanıb. İqtisadi münasibətlərin genişləndirilməsi, işbirliyi və investisiya imkanlarının araşdırılması məsələləri ətrafında fikir mübadiləsi aparılıb. Enerji, kənd təsərrüfatı, mineral ehtiyatlar sahəsində birgə fəaliyyət imkanları, o cümlədən işgüzar dairələr arasında əlaqələrin qurulması məqsədilə birgə tədbirlərin keçirilməsinin əhəmiyyəti qeyd edilib.