Rusiyada baş verən hadisə bu hadisə dövlət səviyyəsində kriminal əməl kimi qiymətləndirilməlidir. Bunu açıqlamasında deputat, Milli Məclisinin İctimai birliklər və dini qurumlar komitəsinin sədri Fazil Mustafa deyib.

F. Mustafa qeyd edib ki, Azərbaycanın bu məsələyə sərt reaksiyası anlaşılandır:

"Vətəndaş və soydaşlarımızın qorunması üçün ciddi addımlar atılmalıdır. Bu Rusiya və Azərbaycan arasında strateji müddətli münasibətlərin ruhuna zidd addımdır. Bu eyni zamanda sərnişin təyyarəsinin qəzaya düşməsi ilə eyni zeyniyyətin başqa bir təzahürüdür. Burada dünyası dəyişənlər bizim üçün əziz insanlardır, soydaşlarımızdır. Orada yaşayan vətəndaşların bu cür kriminal hadisəni dövlət strukturları əlilə törədilməsi yolverilməzdir, bəşəri cinayətdir. Bu cinayəti törədənlər mütləq cavab verməlidir".