İyunun 23-də IV Bakı Piano Festivalı çərçivəsində Beynəlxalq Muğam Mərkəzində növbəti konsert proqramı təşkil edilib. Türkiyənin ölkəmizdəki səfiri Birol Akgün və Şimali Kipr Türk Cümhuriyyətinin Azərbaycandakı nümayəndəsi Ufuk Turqaner də konserti izləyiblər. 
Lider-media.az xəbər verir ki, proqramda pianoçu Rüya Taner (Şimali Kipr), pianoçu Yeganə Axundova (Azərbaycan) və dirijor Valid Ağayevin (Türkiyə) rəhbərliyi ilə Bakı Kamera Orkestrinin ifasında klassik musiqi əsərləri səsləndirilib. 
Konsertdən əvvəl mərkəzin foyesində “Arts Council of Azerbaijan” təşkilatının təşəbbüsü ilə müasir azərbaycanlı rəssamların əsərlərindən ibarət sərgiyə baxış olub. 

Konsert iki hissədən ibarət olub və tamaşaçılar tərəfindən alqışlarla qarşılanıb. 
Qeyd edək ki, IV Bakı Piano Festivalı iyunun 28-dək davam edəcək. 
Bakı Piano Festivalı çərçivəsində, həmçinin müxtəlif art layihələr, sərgilər və caz improvizasiyalarının təşkili planlaşdırılıb.

Səadət