Azərbaycan Milli Elmlər Akademiyasının və Türkiyə Elmlər Akademiyasının birgə təşkilatçılığı ilə keçirilən “Azərbaycan və Türkiyə dünya siyasətində” mövzusunda beynəlxalq simpoziumun iştirakçıları iyunun 21-də Heydər Əliyev Mərkəzində olublar.

AMEA-nın prezidenti akademik İsa Həbibbəyli, Türkiyə Elmlər Akademiyasının prezidenti professor Müzəffər Şəkər, Asiya Elmlər Akademiyaları və Elmi Cəmiyyətləri Assosiasiyasının prezidenti, professor Əhməd Nuri Yurdusev, Türkiyənin müxtəlif elmi müəssisə və universitetlərinin nümayəndələri sərgi zallarını ziyarət ediblər.

Beynəlxalq simpoziumun iştirakçılarına Ulu Öndər Heydər Əliyevin həyat və fəaliyyəti, Heydər Əliyev Mərkəzi barədə geniş məlumat verilib, Mərkəzin zəngin kolleksiyası ilə tanışlıqdan sonra xatirə şəkilləri çəkdirilib.