“Bizim xalqlarımız köklü mədəniyyətə, zəngin dəyərlərə malikdirlər. Təbii ki, bu köklü mədəniyyətin təməlində də ailə dəyərləri dayanır. Biz birlikdə ailə dəyərlərinə sahib çıxmalıyıq ki, gələcəyimizi qoruya bilək”.
Lider-media.az xəbər verir ki, bu fikirləri Türkiyənin Azərbaycandakı səfirliyinin mətbuat müşaviri Alptekin Cihangir İşbilir mayın 22-də “Müasir dövrdə ailə dəyərlərimiz” mövzusunda Bakıda keçiriləcək elmi-praktik konfransla bağlı saytımıza açıqlamasında söyləyib.  
Konfransın əhəmiyyətini qeyd edən müşavir tədbirin Türkiyə və Azərbaycanın ailə dəyərlərinin qornmasına, inkişaf etdirilməsinə fayda gətirməsini diləyib: “Əgər ailə dəyərlərimiz olmasa, millətimiz də var ola bilməz. Ən böyük zənginliyimiz olan ailə dəyərlərini qorumaq üçün əlimizdən gələni etməliyik. Bu, hər birimizin borcudur”.   

Səadət