Bu günlərdə Türkiyənin Manisa şəhərində keçirilən 485-ci Beynəlxalq Mesir Macunu Festivalında ölkəmizi Şirvan şəhərinin nümayəndə heyəti təmsil edib.

Nümayəndə heyətinə Şirvan Şəhər İcra Hakimiyyəti başçısının müavini Aynur Fərzəliyeva, Şirvan Bələdiyyəsinin sədri İlham Səfərov və digər şəxslər daxil idi.

Səfər çərçivəsində nümayəndə heyətinin Manisa valisi Vahdettin Özkan və Manisa Böyükşəhər Bələdiyyəsinin sədri Ferdi Zeyreklə görüşü baş tutub.

Keçirilən görüşlərdə ölkələrimiz arasında dostluq, qardaşlıq münasibətlərinin dərin tarixi köklərə malik olduğu vurğulanıb, qarşılıqlı hədiyyələr təqdim edilib, xatirə şəkli çəkilib.

Qeyd edək ki, Şirvan və Manisa şəhərləri arasında 2023-cü ilin 8 sentyabrında “Qardaşlıq və dostluq protokolu” imzalanıb. Bununla da hər iki şəhər arasında qarşılıqlı səfərlər, təcrübə mübadiləsi, mədəniyyət, incəsənət və digər sahələrdə əməkdaşlıq nəzərdə tutulmuşdur.

Rasim Nəhmədov,

Şirvan.