Rusiya prezidentinin mətbuat katibi Dmitri Peskov Fransanın “Le Point” nəşrinə müsahibəsində bildirib ki, Rusiya və Avropanın mövqeləri üst-üstə düşmür.

Lider-media.az xəbər verir ki, Peskovun sözlərinə görə, Avropa müharibə istəyir.

Peskov qeyd edib ki, Rusiya Federasiyasına gəlincə, o, Avropanı danışıqlar masasına oturmağa məcbur etmək niyyətində deyil.

"Hazırda yaxınlaşan mövqelər yoxdur, çünki Avropa danışıqlar deyil, müharibə istəyir. Biz onları zorla ora sürükləməyəcəyik", - Rusiya prezidentinin mətbuat katibi əlavə edib.

Eyni müsahibədə Peskov bəyan edib ki, Rusiya öz məqsədlərinə sülh və ya hərbi yolla nail olacaq. Mətbuat katibi xatırladıb ki, hazırda cəbhədə vəziyyət Rusiya Federasiyasının xeyrinə inkişaf edir və təşəbbüs Rusiya hərbçilərinə məxsusdur.

Peskov tam atəşkəs rejiminin tətbiq edilməsini ayrıca qeyd edib. Rusiya prezidentinin nümayəndəsi əlavə edib ki, avropalılar münaqişənin davam etməsini tələb edərkən, bu ideya ABŞ tərəfindən irəli sürülür.

Yeganə