Əmək və Əhalinin Sosial Müdafiəsi Nazirliyinin yanında Dövlət Əmək Müfəttişliyi Xidməti (DƏMX) “The International 100 Awards 2025” beynəlxalq müsabiqəsində 3 nominasiya üzrə uğur qazanıb.

Böyük Britaniyada yerləşən “The International 100 Magazine” beynəlxalq qurumunun təşkil etdiyi müsabiqədə Xidmətin fəaliyyət istiqamətləri üzrə aparılan islahatlar, “Əmək və Məşğulluq” altsistemi, maarifləndirmə tədbirləri beynəlxalq ekspertlər tərəfindən yüksək qiymət alıb. Beləliklə, DƏMX “Korporativ Sosial Məsuliyyət”, “İlin Əmək Müfəttişliyi Xidməti” və “Rəqəmsal İnnovasiya” nominasiyaları üzrə mükafatlara layiq görülüb və adı müsabiqənin qalibləri sırasına daxil edilib. (https://internationalelite100.com/2025-winners)

Müsabiqədə DƏMX ilə yanaşı, Avropa, Amerika, Afrika və Asiya qitələrindən, eləcə də Sakit okean hövzəsi regionundan 500-dən çox qurum iştirak edib.