Azərbaycan Həmkarlar İttifaqları Konfederasiyasının Əmək və Sosial Münasibətlər Akademiyası (AƏSMA) ilə Azərbaycan Dövlət İqtisad Universiteti (UNEC) arasında birgə əməkdaşlığa dair Memorandum imzalanıb.

Tədbirdə çıxış edən AƏSMA-nın rektor vəzifəsini müvəqqəti icra edən Yusif Ağayev Akademiyada kadr hazırlığı haqqında məlumat verib, UNEC ilə əməkdaşlığın əhəmiyyətini vurğulayıb. UNEC-in rektoru, professor Ədalət Muradov isə universitetin fəaliyyəti, həyata keçirilən islahatlar və gələcək hədəfləri barədə danışıb.

Sonda UNEC və AƏSMA arasında Əməkdaşlıq Memorandumu imzalanıb. Memorandum birgə layihə və proqramların hazırlanmasını, elmi-tədqiqatların aparılmasını, elmi konfransların təşkili və digər istiqamətlərdə əməkdaşlığı nəzərdə tutur.