Cari ilin ötən dövrü ərzində Ekologiya və Təbii Sərvətlər Nazirliyində Dövlət İmtahan Mərkəzi tərəfindən keçirilən müsabiqə mərhələlərində yüksək nəticə əldə edərək dövlət qulluğunun inzibati vəzifələri üzrə yeni işə qəbul olunan əməkdaşların andiçmə mərasimi keçirilib.

İlk dəfə daimi dövlət qulluğuna qəbul edilən gənc əməkdaşlar “Dövlət qulluğu haqqında” Qanunun tələblərinə uyğun olaraq Azərbaycan Respublikasına sadiq olacaqlarına, ölkəmizin Konstitusiyasına dönmədən əməl edəcəklərinə, dövlət sirrini və xidməti sirri qoruyacaqlarına, dövlət qulluğunun verdiyi hüquqları və üzərlərinə qoyduğu vəzifələri qərəzsiz, vicdanla, ancaq qanunauyğun surətdə, var gücləri ilə və Vətənin mənafeyi naminə həyata keçirəcəklərinə and içiblər.