Qarabağ uğrunda gedən qanlı döyüşlərdə adı Vətənin cəsur, şahin oğulları sırasına düşən və şəhidlik zirvəsinə ucalan igidlərdən biri olan Fəxrəddin Vəliyəddin oğlu Nəcəfov haqqında xalqımız iftixarla danışır. O, Bakının Şəhidlər xiyabanında uyuyur.
Xalqımızın mübariz oğlu Nəriman Nərimanovun müdrikcəsinə söylədiyi bu sözlər elə bil bu günümüz üçün deyilib: “Siz ata-babalarımızın müqəddəs yerlərinə o vaxt Vətən deyə bilərsiniz ki, onun sahibi olasınız”. Vətənə, onun bərəkətli torpaqlarına, başı buludlardan nəm çəkən qarlı dağlarına yiyə durmaq nəsillər üçün həmişə böyük şərəf sayılıb. Bu şərəfə nail olmaq isə heç də asan olmayıb. Torpağımıza göz dikən yadelli işğalçılar ulu babalarımızın qeyrət qılıncı ilə doğranıblar. Qarabağ müharibəsi başlananda, Vətən sınağa çəkiləndə Qərbi Azərbaycanın bir parçası olan Sisyan (Qarakilsə) rayonunun Urud kəndindən olan Fəxrəddin Nəcəfov torpaqlarımızın müdafiəsinə qalxdı. Vətənin dar günündə qəlbinin hökmü ilə Qarabağ savaşına atıldı. Heç vaxt ölümdən qorxmadı. Ağır döyüşlərdə şəhidlik zirvəsinə yüksəldi.
Fəxrəddin Nəcəfovun valideynləri çox illər öncə erməni vəhşiliyinə dözə bilməyib ata-baba yurdundan ayrılaraq Bakı şəhərinə köçmüşdülər. Fəxrəddin 1967-ci ildə Bakı şəhərində dünyaya göz açmışdı. 9-cu sinfə qədər Nəsimi rayonundakı 19 saylı orta məktəbdə oxumuş, sonra isə təhsilini Yevlax şəhərində davam etdirmişdir.
Fəxrəddinin gənclik illəri şən və mənalı keçib. Hər il yay tətili günlərində ailə üzvləri ilə birlikdə birbaşa Zəngəzur ellərinə üz tutardılar. Fəxrəddin Qarakilsənin hər qarışına bələd idi. Günlərinin çoxunu Hacalı, İşıqlı, Üçtəpə dağlarında keçirər, allı-güllü dağ yamaclarından çiçəklər toplayar, saatlarla qıy vuran qartallara, bülbüllərə, torağaylara tamaşa edər, Arpa çayının nəğməli sahillərini seyir etməkdən doymazdı.
Orta təhsilini başa vurduqdan sonra Fəxrəddin ordu sıralarına yollandı. Arxangelsk şəhərinin Haryan-Mar şəhərində hərbi xidmətdə olarkən komandanlıq tərəfindən dəfələrlə valideynlərinin ünvanına razılıq məktubu gəldi.
Fəxrəddin əsgəri xidmət borcunu yerinə yetirdikdən sonra 9 ay Azərbaycan Respublikası Daxili İşlər Nazirliyi Yanğından Mühafizə İdarəsində işləmiş, elə həmin idarədən də Xarkov şəhərinə oxumağa göndərildi.
O, Xarkov şəhərindəki Petrovsk adına Yanğından Mühafizə Hərbi Texniki məktəbində 2 il yarım təhsil aldıqdan sonra Bakıya qayıdaraq bir müddət Respublika Yanğından Mühafizə İdarəsində işlədi.
Sonra isə Qarabağ uğrunda gedən ölüm-dirim savaşına qoşuldu. Goranboy ərazisində neçə-neçə kəndlərin erməni quldurlarından təmizlənməsində Fəxrəddinin misilsiz xidmətləri oldu. Todan kəndində gedən döyüşlərdə qəhrəmanlıqla vuruşdu. Baş leytenant Fəxrəddin Nəcəfov rota komandiri kimi çətin bir işin öhdəsindən cəsarətlə gəldi. Onun igidliyi sayəsində dəfələrlə düşmənin canlı qüvvəsi və texnikası məhv edildi.
1992-ci ildə Ağdamın Canyataq və Gülyanaq kəndləri ətrafında gedən qanlı döyüşlərdə Fəxrəddinin igid əsgərləri düşmənin xeyli canlı qüvvə və hərbi texnikasını məhv etdi.
Çox keçmədən Canyataq uğrunda yenidən döyüşlər başlandı. Həmin döyüşdə Fəxrəddin ağır yaralandı və təcili Bakıya çatdırıldı.
Xəstəxanada olduğu 20 gün ərzində qəlbi, odlu səngərlərdə, igid əsgərlərinin yanında idi. Yarası tam sağalmasa da, yenidən cəbhəyə qayıtdı. Ağır döyüşlərin birində Fəxrəddin yenidən yaralandı. Bu dəfə onu ölümün pəncəsindən xilas etmək mümkün olmadı.
Azərbaycan Respublikası Prezidentinin 6 noyabr 1992-ci il tarixli 290 saylı fərmanı ilə Nəcəfov Fəxrəddin Vəliyəddin oğluna ölümündən sonra “Azərbaycanın Milli Qəhrəmanı” fəxri adı verilmişdir.
Nəsimi rayonundakı 206 saylı orta məktəb Fəxrəddin Nəcəfovun adını daşıyır. Məktəbin həyətində büstü qoyulmuşdur.


Fövqəladə Hallar Nazirliyi tərəfindən silsilə maarifləndirmə tədbirləri keçirilib
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Prezident İlham Əliyev forumda iştirak edib
Şuşada 2-ci Qlobal Media Forumunun açılış mərasimi keçirilib Prezident İlham Əliyev Forumda iştirak edib YENİLƏNİB
Prezidentin müsahibəsinin TAM MƏTNİ
Xocalının Vətən Müharibəsi Şəhidləri
Leyla Əliyeva Qaraçuxur İdman Zalının açılışında iştirak edib
Hikmət Hacıyev Aİ rəsmiləri ilə görüşüb
Mehriban Əliyevadan Milli Dirçəliş Günü paylaşımı
Prezident İlham Əliyev 17 Noyabr - Milli Dirçəliş Günü ilə bağlı paylaşım edib
Yalçın Rəfiyev COP31 çərçivəsində bir sıra görüşlər keçirib
Ölkəmizdə ilk dəfə Milli Məşğulluq Forumu keçirilir
Dövlət Komitəsi oktyabr ayında sosial dəstək tədbirlərini davam etdirib
Qanlıgöl ətrafında genişmiqyaslı abadlaşdırma işlərinə başlanılıb
Azərbaycan Respublikası Nazirlər Kabinetinin QƏRARI
Küləkli hava şəraiti ilə bağlı sarı xəbərdarlıq verilib
Bakıda bal yarmarkasının tarixi və yeri dəyişdirilib
Xəzər dənizinin (gölünün) Azərbaycan Respublikasına mənsub olan bölməsinin sahilboyu ərazilərində dövlət idarəetməsinin təkmilləşdirilməsinə dair tədbirlər haqqında Azərbaycan Respublikası Prezidentinin Fərmanı
2027-ci ildə növbəti “Yüksəliş” müsabiqəsinin keçirilməsi ilə bağlı tədbirlər haqqında Azərbaycan Respublikası Prezidentinin Sərəncamı
Leyla Əliyeva:“Hər bir qadın öz gücünə inansın”
Noyabrın 17-də gözlənilən hava şəraiti
Birgə Bəyannamə - strateji tərəfdaşlığın yeni yol xəritəsi
Azərbaycan Respublikası Prezidentinin Fərmanı
Azərbaycan regional nəqliyyat xəritəsində mövqeyini möhkəmləndirir
Azərbaycan Respublikasının Əmək Məcəlləsində dəyişiklik edilməsi haqqında Azərbaycan Respublikasının Qanunu
“Dövlət satınalmaları haqqında” Azərbaycan Respublikasının Qanununda dəyişiklik edilməsi barədə Azərbaycan Respublikasının Qanunu

Süni intellekt müharibənin qaydalarını dəyişir: dünya ölümcül avtonom silahların təhlükəsi qarşısında
Erməni deputatlardan əzələ nümayişi
Alimlər hüceyrələrin keçmişini öyrənməyə imkan verən yeni texnologiya hazırlayıblar
Yodun bir damlası, gələcəyin min ümidi
Ürəyin hər döyüntüsü – həyatın bizə bəxş etdiyi ən qiymətli səs
Payızın astanasında: Zamanın böyük dövranı