Bu çərçivədə, Dövlət Yanğın Nəzarəti Xidmətinin əməkdaşları Azərbaycan Respublikası Həmkarlar İttifaqları Konfederasiyasının “Kurort” QSC-nin “Bilgəh”, “Buzovna”, “Şıx”, “Günəşli”, “Qaranquş” və “Abşeron” sanatoriyalarında yanğına qarşı maarifləndirmə tədbirləri keçiriblər.

Tədbirlərdə sanatoriyalarda yanğınların başvermə səbəbləri və qarşısının alınması yolları, yanğın zamanı zəruri davranış qaydaları, o cümlədən təxliyə barədə ətraflı məlumat verilib, ilkin yanğınsöndürmə vasitələrindən istifadə qaydaları əyani şəkildə nümayiş etdirilib.

Tədbirlərdə mövzuya dair slaydlar nümayiş etdirilib, suallar cavablandırılıb və iştirakçılara maarifləndirici vəsaitlər paylanılıb.