Türkiyə liderinin dəvəti ilə baş tutacaq İlham Əliyevlə Rəcəb Tayyib Ərdoğanın görüşündə cari regional və qlobal hadisələr, həmçinin Türkiyə ilə Azərbaycan arasında qardaşlıq əlaqələrinin daha da gücləndirilməsi istiqamətində atılacaq addımlar ətrafında fikir mübadiləsi aparılacağı nəzərdə tutulur. Həmçinin liderlər 25 sentyabr 2023-cü ildə təməlini qoyduqları Iğdır-Naxçıvan Təbii Qaz Kəmərinin açılış mərasimi canlı bağlantı ilə həyata keçirəcəklər.