Fevralın 26-da Xocalı soyqırımının 33-cü ildönümü ilə əlaqədar Prezident Kitabxanasında tədbir keçirilib.

Kitabxanadan bildirilib ki, tədbirdə Xocalı soyqırımı qurbanlarının xatirəsi bir dəqiqəlik sükutla yad edilib.

Kitabxananın Oxu zalında faciənin qurbanlarına həsr edilmiş fotoşəkillər, kitab və dövri nəşrlərdən ibarət sərgi nümayiş olunub.

Prezident Kitabxanasının direktoru, professor Afət Abbasova, direktor müavini Kamalə Sarıcalinskaya, Prezident, dövlət idarəçiliyi və ölkəşünaslığa dair informasiya resursları bölməsinin müdiri Kəmalə Qasımova çıxışlarında ağır hərbi cinayətin xalqımız tərəfindən heç vaxt unudulmayacağını, həmçinin Ali Baş Komandan İlham Əliyevin rəhbərliyi ilə şanlı Ordumuz tərəfindən torpaqlarımızın düşmən tapdağından azad olunması və əsgərlərimizin qəhrəmanlıqları, 30 illik işğala və həsrətə son qoyulduğunu bildiriblər.