Bu gün səhər saatlarında Naxçıvanda müşahidə olunan dumanlı hava şəraiti səbəbindən Bakı-Naxçıvan və Naxçıvan-Bakı istiqamətində təyyarə reyslərində gecikmələr yaranmışdı.

“Azərbaycan Hava Yolları” QSC-dən (AZAL) verilən məlumata görə, havaların yaxşılaşması ilə reyslər artıq əvvəlki kimi həyata keçirilir. Hazırda iki reys uğurla yerinə yetirilib və normal təyyarə hərəkəti təmin olunub.

11:20

Naxçıvanda dumanlı hava şəraiti səbəbindən bu gün səhər saatlarından Bakı-Naxçıvan və Naxçıvan-Bakı istiqamətində uçan təyyarələrin hərəkətində gecikmə yaranıb.Mövcud vəziyyətlə əlaqədar Naxçıvan Beynəlxalq Hava limanında gözləyən sərnişinlərə reyslərin gecikməsi ilə əlaqədar operativ məlumat verilir.