Seminarda AzMİU-nun Elm və İnnovasiya məsələləri üzrə prorektoru professor Nigar Aslanova və İnşaat fakültəsinin dekanı Sahib Fərzəliyev iştirak ediblər. Tədbirin sonunda “Materialşünaslıq” kafedrasının müdiri professor İradə Şirinzadə çıxış edərək seminar iştirakçılarına və HOLCİM Azərbaycan şirkətinə təşəkkürünü bildirib.

AzMİU-nun özəl sektorla əməkdaşlığı çərçivəsində keçirilən bu cür tədbirlər universitetin inşaat mühəndisliyi sahəsində müasir yanaşmaların tətbiqinə verdiyi töhfənin bariz nümunəsidir. HOLCİM Azərbaycan kimi nüfuzlu şirkətlərlə birgə seminarların təşkili, universitetin elmi potensialının sənaye ilə sintezini gücləndirərək ölkənin inşaat sektorunun inkişafına xidmət edən yüksəkixtisaslı mütəxəssislərin hazırlanmasına töhfə verir.Bu cür əməkdaşlıqlar məzunların peşəkar bilik və bacarıqlarını gücləndirməklə yanaşı, onların əmək bazarının tələblərinə uyğun hazırlığını daha da yüksəldir. 

Qeyd edək ki, bu il AzMİU-nun 50, İnşaat fakültəsinin isə yaranmasının 105 ili tamam olur. İnşaat fakültəsi, AzMİU-nun akademik və elmi ənənələrinin formalaşmasında əsas sütunlardan biri olub. Məhz bu fakültə Azərbaycan inşaat sahəsində ixtisaslaşmış ali təhsilin və mühəndis kadrlarının yetişdirilməsində ilkin baza rolunu oynayıb. Fakültə yarandığı gündən ölkənin şəhərsalma və infrastruktur layihələrində əsaslı rol oynayan minlərlə peşəkar mühəndis yetişdirib.