Ömrünün ən məhsuldar illərini zəhmətə, alın təri ilə qazandıqları çörəyə həsr edən insanların bu gün yaşadıqları narahatlıq insanı dərindən sarsıdır. Azərbaycan Dövlət Xəzər Dəniz Gəmiçiliyinin tabeliyində fəaliyyət göstərən “Dənizçi Təmir Tikinti” MMC-də uzun illər vicdanla çalışan, əksəriyyətinin artıq 50 yaşını keçmiş işçilər indi qeyri-şəffaf qərarların kölgəsində gələcəkləri ilə bağlı ciddi suallar qarşısında qalıblar. Onların hər birinin arxasında bir ailə, bir ömür hekayəsi, bir ümid dayanır. Bu ümidlərin sarsıldığı bir məqamda, səslərini çatdırmaq üçün redaksiyamıza üz tutublar. Oxucularımıza həmin kollektivin ürək ağrısı ilə qələmə alınmış şikayətini təqdim edirik.

Ümid edirik ki, Azərbaycan Dövlət Xəzər Dəniz Gəmiçiliyi rəhbərliyi və aidiyyəti qurumlar bu səslərə biganə qalmayacaq, illərini bu sahəyə həsr etmiş insanların taleyinə həssaslıqla yanaşacaq və ədalətli, şəffaf qərarların verilməsi üçün zəruri addımlar atılacaq. Çünki hər bir əməkçinin arxasında yalnız onun özü deyil, həm də ona güvənən bir ailə və gələcəyə bağlanan ümidlər dayanır.