Lider-media.az xarici mətbuata istinadla xəbər verir ki, kainatın ömrü ilə bağlı elm dünyasını heyrətləndirən yeni nəticələr açıqlanıb. Niderlandın Radboud Universitetindən üç alim – qara dəliklər üzrə mütəxəssis Heino Falcke, kvant fizikası üzrə tədqiqatçı Michael Wondrak və riyaziyyatçı Walter van Suijlekom – kainatın “buxarlanaraq” yox olma müddətinin daha qısa olduğunu hesablayıblar.

Onların bu günlərdə"Journal of Cosmology and Astroparticle Physics" jurnalında dərc olunan tədqiqatına əsasən, son ulduz qalıqları təxminən 107810^{78} il ərzində Hawking-radiasiyasına bənzər proseslə tamamilə yox olacaq. Bu isə əvvəlki nəzəriyyələrdə göstərilən 10110010^{1100} illə müqayisədə kəskin şəkildə qısa bir müddətdir.

Alimlər göstərirlər ki, bu buxarlanma prosesi yalnız qara dəliklərə deyil, eyni zamanda neytron ulduzlar və ağ cırtdanlara da aiddir. Hətta gözlənilməz nəticələrdən biri də odur ki, qara dəliklər və neytron ulduzlar təxminən eyni vaxtda – 106710^{67} il ərzində buxarlanır.

Maraqlı bir məqam isə odur ki, tədqiqatçılar insan bədəninin və Ayın da yalnız bu proseslə təqribən 109010^{90} ildə tamamilə buxarlana biləcəyini hesablayıblar. Alimlərin özlərinin də zarafatla qeyd etdiyi kimi, əlbəttə ki, bu cür obyektlər daha əvvəl başqa səbəblərlə yox ola bilər.

Tədqiqatın müəlliflərindən Walter van Suijlekom bu əməkdaşlığın astrofizika, kvant fizika və riyaziyyatın birləşməsindən doğan maraqlı və innovativ nəticələr verdiyini bildirib: “Bu kimi ekstremal suallarla məşğul olmaqla nəzəriyyəni daha dərindən anlamağa və bir gün Hawking radiasiyasının sirrini tam açmağa ümid edirik.”