Elektron pullardan istifadə praktikası inkişaf etmiş ölkələrdə müşahidə olunur. Məsələn, Rusiya bu ilin aprel ayından etibarən elektron pulların dövriyyəsini təmin edib. ABŞ isə 2021-ci ildən etibarən bu prosesə başlayıb və gələcəkdə dolların elektron versiyasının hazırlanması nəzərdə tutulur. Çin də uzun müddətdir ki, elektron pulların emissiyasını həyata keçirir. Elektron pullarla yanaşı, virtual pullardan da istifadə olunur. Azərbaycanda elektron pullar lisenziyası olan şirkətlər tərəfindən dövriyyəyə buraxılacaq. Mərkəzi Bankın məlumatına görə, 20 şirkət bununla bağlı müraciət edib. Hansı şirkətə ki, lisenziya verilsə, həmin şirkətlər qeydiyyata alınmaqla elektron pulları dövriyyəyə buraxacaq.

Bu şirkətlər tərəfindən vericidir və maliyyə sistemi üçün kapital bazarına yeni məhsulların daxil olması anlamına gəlir. Bu pullar vətəndaşlarımız üçün elektron yığım və hətta pul bazarında əməliyyatlar hesabına gəlir mənbəyinə də çevrilə bilər. Yəni insanlar elektron pullara investisiya etməklə öz pullarını elektron pullarda saxlamaq imkanı qazanacaqlar. Elektron pullar nominal dəyərlə dövriyyəyə buraxılır, lakin onun real dəyəri bazarda müəyyənləşir. Əldə edilən elektron pulları satmaqla vətəndaşlar gəlir əldə edə biləcəklər. Elektron pulların milli valyutadan əsas fərqi odur ki, Mərkəzi Bank tərəfindən deyil, onun lisenziya verdiyi qurumlar tərəfindən dövriyyəyə buraxılacaq. Bu elektron ödəniş sistemlərinə inteqrasiya olunmuş puldur, milli valyuta deyil. Amma gələcəkdə milli valyutanın da elektron versiyasının buraxılacağı istisna edilmir.